అభినందన పూలవర్షం
విమర్శ అంపశయ్య
అన్నీ క్షణికాలే
ఎక్కుపెట్టేవాళ్ళకు గురితొ పనిలేదు
వాళ్ళున్నట్టే
అందరూ వుందాలనుకోవడం
ఎవరు పోతున్న రహదారి
వారి సొంతమైనట్టు
న్సడకేదో నేర్పాలని ఆరాటం
ఎవరికివారే
జీవిత పరమార్థ ప్రభోధకులైనట్టు
ప్రభోదాల పల్కులు
వింటూ ఎదుర్కొంటూ
కాల ప్రవాహంలో కలిసేవాళ్ళు
ఏ వొడ్డుకొచేరి కనుమరుగౌతారు
ఎదురీదేవాళ్ళు
వేసవి ఉక్క్పొతల
దారుల్లోకి నెట్టబడుతున్నట్టు
ఉక్కిరిబిక్కిరై
చిరచిరలాడించే చెమటల్లో
విసిగిపోతున్నట్టు
ప్రేమజంటలు
అనురాగాలు పెనవేసి
కేరింతలు తుళ్ళింతలు
కొత్త స్వప్నాల ద్వారాల్ని తెరుస్తూ
సుందరవనవిహారాలు
అనురాగాల్ని ముడివేసి
దారపుకొసేదో వెదకుతున్నట్టు
అనుభూతుల స్పర్శలు
అనుభవాలు
స్వర్గపు అంచులేవో తాకుతున్నట్టు
దేహంనుంచి దేహానికి
నరాన్నుంచి నరానికి
ప్రవహించే కాలం ముంగిటిలో
నడకలు పరుగులౌతాయి
పరుగులు నడకలౌతాయి
జీవిత గమనాంకి మలుపులౌతాయి
అనుబందాలకు పునాదులౌతాయి
దాచుకున్నదేదో
దోచుకున్నదేదో
దాగిన నిశ్శబ్దమేదో
జలపాతాల హోరులో
కేరింతల స్నానమాడుతున్నట్టు
కాలాన్ని బందించే
కొత్తసూత్రమేదో కనుగొన్నట్టు
ఎన్నో ఏండ్ల నడకను
ఏడడుగుల్లో
వెనక్కు తెచ్చుకున్నట్లు
తొడుక్కున్న ఉంగరాల్లొంచి
ప్రక్కటెముకగా అతుక్కుపోతున్నట్టు
పలవరింతలతో
ప్రేమజంటలు
No comments:
Post a Comment