ప్రేమాంతరంగం - అనుబంధం

మంచుగడ్డలా
కరిగినమోహంలో
మొలకెత్తే కలతల మొలకల్లో
లోకాన్ని శాసిస్తున్న
ధనం
మనసుకు ఇంధనాన్ని చేసి
తృప్తి
అసంతృప్తుల మధ్య
వూగుతూ
సమతుల్యాన్ని వదలి
అసమానతల్లో మునిగి
ఒకరికొకరు
ద్వేషదూషణలతో
అసహనాన్ని మాటలుగా
వెదజల్లుతున్నప్పుడు

అహం
అడ్డుగోడల్ని కడ్తుంది

సహనం
ముళ్ళపై నడక్పుతుంది

అనుమానం
వేధించే భూతమౌతుంది

ఆలోచనలు
ఆజ్యాలై
జ్వాలలు జావలు
విచ్చిన్నమయ్యే
స్వాగత పలుకులేవో పలుకుతూ
ప్రలోభాల్లోపడి
బ్రమపడుతున్న
ప్రేమజంటలు

* * *

మనసులొ మాటను
నాలుకపైనే లాక్కున్నట్టు
మమేకమయ్యే అనుబంధం
ఒకనాటిది కాదు

భావాల భాష్యీకరణం
రెండు ఆలొచనల
ఏకికరణం
హృదయ అంతఃసీమల్లోచి
మౌనాన్నొ స్పర్శనో
అక్షరీకరిస్తూ
జయాపజయాల
కాలపు ఆటలలో
పురిపేనిన బంధమై
కలి నిలవడం

అలలైన క్షణాలనుంచి
చిగురించే వసంతాల్లోకి
పచ్చదనమేదో మోసుకుపోతూ

ప్రేమజంటలనుండి
ఒకరికొకరైన జంటలై
దిక్సూచులుగా నిలచే
ప్రేమజంటలు

* * *

పిరికివాళ్ళు ప్రేమకనర్హులని
నడిచిన ఏడడుగుల్లో
పలికిన ప్రమాణాలలో
నీవు నేను వేరుకాదని
నేను నివు సమానమని
వదిలొచ్చిన
అనుబంధాలు
అడుగుల సాక్షిగా
కొత్తతీరాలకు
సరికొత్త విజయాలకు
బాసట మనమయ్యేచోట
అధిరోహించాల్సిన
శిఖరాలు మనవేనని
నిరంతరం
నడుస్తున్న అడుగుల్లో
అనుక్షణం నిరూపించలేక
కుతకుత వుడుకుతున్న వేళ
సడలిన ధైర్యంతో
ప్రేమకు ముగింపు
ప్రాణార్పణం కాదు!

అవమానంలో
ఆవేదనలో
ఆకలిలో
స్పర్శ
విజయశిఖరానికి
మలుపౌతుంది
***