తెగించి
ఓ స్వప్నాన్ని పట్టుకున్నాను
అప్పుడప్పుడె రెక్కలొచ్చిన
సీతాకొకచిలకల్లా
నీ నవ్వులు ఎదురయ్యాయి
ఇప్పుడే విచ్చుకుంటున్న
విప్పపూతలా
నీ చూపులు తడిమాయి
ప్రణయమో
పాశమో
ఒక్కదేహానికి రెండుచేతులమై
చెరొప్రక్క
బతుకు ప్రవాహాల ఈదులాట
సవాళ్ళెక్కుపెట్టిన
సవాలక్ష నోళ్ళకు
నడిచొచ్చిన అడుగులే సమాధానం
మెలిపెట్టిన ప్రతిక్షణం
తళుక్కుమన్న మెరుపై
ఇంకో క్షణాన్ని తెస్తుంది.
No comments:
Post a Comment