ప్రేమ గెలుపు
ఇరువు ఒక్కటవ్వటమేనని
జీవన భాగస్వామ్యానికి
ఎవరికివారే పరిథులు గీసుకుంటూ
ఎవరికివారే నిర్వచించుకుంటూ
నిరంతరవలయాలలో చిక్కుకుంటూ
తరంనుంచి తరానికి
వారధులేవో నిర్మిస్తూనో
అగాథాల్ని సృష్టిస్తూనో
తరంగమై ఎగసిపడే జంటలకు
ఒక్కసారి ఆలింగనమయ్యాక
ఈదవసిందే!
పయనించాల్సిందే!
పట్టుదొరికితే ప్రతి అడుగూ
కొలంబస్ మోపిన పాదమే అవుతుంది
టెన్సింగ్ నార్కే ఎగరేసిన జెండా అవుతుంది
No comments:
Post a Comment